Lionel Messi ka vendosur edhe një tjetër gur kilometrik në futbollin botëror, pasi tashmë mban vendin e parë si golashënuesi më i mirë i të gjitha kohërave në Kupën e Botës.
Futbollisti argjentinas e arriti këtë shifër historike në ndeshjen ndaj Austrisë, kur tundoi rrjetën në minutën e 38-të dhe i dha Argjentinës avantazhin 1–0. Ai regjistroi kështu golin e 17-të të tij në historinë e kompeticionit më të madh të futbollit.
Falë këtij realizimi, Messi ka kaluar në majën e renditjes së golashënuesve në Botëror, duke lënë pas Miroslav Klosen dhe emra të mëdhenj të këtij sporti, ndërsa njëkohësisht e ka zgjeruar edhe më shumë trashëgiminë e tij në arenën ndërkombëtare.
Ky zhvillim vjen vetëm pak ditë pasi ai kishte barazuar rekordin e mëparshëm, ndërsa goli i shënuar kundër Austrisë e vulosi thyerjen e tij dhe hapi një faqe të re në historinë e Kupës së Botës.
Messi dhe Argjentina mbeten ende në garë në këtë turne, me kapitenin e “Albiceleste” që po dëshmon sërish se i përket radhës së lojtarëve më të mëdhenj të të gjitha kohërave.
