Kombëtaret

Austria-Kosova mes ndeshjeve më të ndjekura të Ligës së Kombeve

Përballja e zhvilluar në Vjenë mes Austrisë dhe Kosovës ishte ndër ndeshjet me numrin më të lartë të shikuesve në këtë edicion të Ligës së Kombeve. Edhe pse Kosova u mund nga Austria, tifozët shqiptarë përbënin rreth 50 për qind të publikut në stadium. Sipas të dhënave të publikuara nga “Football…

Austria-Kosova mes ndeshjeve më të ndjekura të Ligës së Kombeve

Përballja e zhvilluar në Vjenë mes Austrisë dhe Kosovës ishte ndër ndeshjet me numrin më të lartë të shikuesve në këtë edicion të Ligës së Kombeve.

Edhe pse Kosova u mund nga Austria, tifozët shqiptarë përbënin rreth 50 për qind të publikut në stadium.

Sipas të dhënave të publikuara nga “Football Ranked”, ndeshja Austri-Kosovë është pjesë e listës së sfidave më të ndjekura të këtij edicioni. Stadiumi ishte i mbushur në masën 94 për qind, me 47 mijë tifozë të pranishëm.

Në krye të renditjes është ndeshja Angli-Spanjë, e ndjekur nga 84 mijë e 525 tifozë. Pas saj vjen Angli-Kroaci, me 80 mijë e 484 të pranishëm.

Të martën, Kosova do të luajë kundër Irlandës në ndeshjen e fundit të ciklit kualifikues të Ligës së Kombeve.