Një përballje e ndezur që në nisje përfundoi me fitoren 2-3 të Anglisë në fushën e Spanjës, kampiones së botës. Suksesi u siguroi “Tre Luanëve” pikët e plota, pavarësisht përpjekjeve të vendasve për të përmbysur situatën.
Në pjesën e parë, anglezët shfaqën më shumë rrezik në sulm dhe krijuan disa mundësi, por nuk po arrinin t’i kthenin ato në gola. Baraspeshën e prishi Harry Kane në minutën e 45’, duke u treguar i saktë nga penalltia.
Epërsia e miqve u zgjerua në minutën e 53’, kur Ezri Konsa dërgoi topin në rrjetë me kokë pas një harkimi të Declan Rice. Vetëm pesë minuta më pas, në të 58’, Ben White shënoi golin e tretë, i shërbyer nga Jude Bellingham.
Pikërisht kur dukej se Spanja po shkonte drejt një humbjeje të thellë, përjashtimi me karton të kuq i mesfushorit Elliot Anderson e vështirësoi ndjeshëm ndeshjen për Anglinë.
Me anglezët në inferioritet numerik, rrjedha e takimit ndryshoi plotësisht dhe kontrolli kaloi te Spanja. Mikel Oyarzabal ngushtoi diferencën nga pika e bardhë në minutën e 65’.
Presioni i vendasve solli edhe një tjetër gol 10 minuta më vonë. Në minutën e 75’, Nico Williams shfrytëzoi asistimin e Lamine Yamal për të realizuar golin e dytë të Spanjës.
Megjithatë, Anglia e mbrojti avantazhin deri në përfundim të takimit. Me këtë fitore, “Tre Luanët” e përfundojnë këtë cikël të Ligës së Kombeve me 15 pikë, po aq sa Spanja.
