Federata Shqiptare e Futbollit bëri publik vetëm pak minuta më parë vendimin e Komitetit Ekzekutiv lidhur me datat e startit të sezonit të ri të “Abissnet Superiore” dhe kampionateve të tjera të futbollit në Shqipëri.
Sipas kalendarit të zyrtarizuar, Superiorja do të nisë më 22 gusht të vitit 2026, ndërsa sezoni do të mbyllet më 9 maj të 2027-ës.
Pas daljes së këtyre datave zyrtare, nuk ka munguar as reagimi i klubit të Laçit.
“Tashmë gjithçka është zyrtare, mbani mend datën”, kanë shkruar kurbinasit në rrjetet sociale.
Kujtojmë se Laçi u shpall kampion në Kategorinë e Parë, duke siguruar rikthimin në elitë vetëm një vit pas rënies.
