Vinicius Junior ka pranuar se paqartësia për të ardhmen e tij, negociatat për rinovimin e kontratës dhe interesimi i klubeve të tjera gjatë verës ndikuan në gjendjen e tij psikologjike dhe në fillimin zhgënjyes të sezonit te Real Madridi.
26-vjeçari foli për këtë çështje të hënën, gjatë një konference për shtyp të Kombëtares së Brazilit. Ai tha se kontaktet nga shumë klube gjatë verës ia kishin shpërqendruar mendjen, ndërsa në paraqitjet e tij kishte ndikuar edhe situata te Real Madridi.
Në 12 ndeshjet e para të sezonit me skuadrën madrilene, sulmuesi brazilian ka shënuar vetëm një gol dhe ka dhënë tri asistime.
Vinicius mbetet i bindur se mund ta përmirësojë formën dhe të kontribuojë më shumë për ekipin, duke theksuar se sezoni është ende shumë i gjatë.
