Lamine Yamal, 16-vjeçari i mrekullueshëm i Barcelonës, po shkëlqen për Kombëtaren e Spanjës në Euro 2024.
Pasi ishte një nga lojtarët më të merituar për fitoren ndaj Kroacisë (3-0), kur e çmendi veçanërisht Josko Gvardiolin në krahun e majtë të mbrojtjes kroate, vazhdoi me të njëjtin ton edhe ndaj Italisë.
Në fitoren 1-0 të Spanjës, ndër më të mirët ishte përsëri Lamine Yamal. Ai kaloi në mënyrë mbresëlënëse italianët, duke dribluar sikur po kërcente rreth tyre.
Pasi spanjollët siguruan kalimin e grupit si vend i parë pas vetëm dy ndeshjesh, mbreti i tyre erdhi për t’i lavdëruar në dhomën e zhveshjes.
Su Majestad el Rey felicita a los jugadores de la @SEFutbol tras su victoria ante Italia.
Felipe VI ha visitado el vestuario de la Selección después del partido y ha recibido una camiseta de manos del presidente Pedro Rocha.
ℹ️ https://t.co/iZNLn3zG74#VamosEspaña | #EURO2024 pic.twitter.com/lE8B53t26E
— Selección Española Masculina de Fútbol (@SEFutbol) June 20, 2024
Mbreti Felipe VI shtrëngoi duart me të gjithë lojtarët dhe i përgëzoi, dhe kur arriti në Yamal, e pyeti: “Sa vjeç je?”.
Kur ai u përgjigj “16”, mbreti spanjoll goditi kokën me dorë me mosbesim.
Të gjithë në dhomën e zhveshjes shpërthyen duke qeshur me reagimin e fytyrës së mbretit dhe tashmë ky reagim është bërë viral në rrjetet sociale. /Telegrafi/
sport ,
