Përzgjedhësi i Kombëtares së Anglisë, Thomas Tuchel, ka shprehur pakënaqësinë pas fitores 4-2 ndaj Kroacisë në ndeshjen e parë të Kupës së Botës 2026, duke kritikuar vendosjen e fotografëve para nisjes së takimit.
Trajneri gjerman tha se nuk arriti ta përjetonte siç duhet momentin e intonimit të himnit kombëtar, pasi pamja iu bllokua nga dhjetëra fotografë të pozicionuar pranë vijës së fushës.
“Po i kërkoj FIFA-s ta ndryshojë pozicionimin e fotografëve, sepse nuk munda ta shihja ekipin tim gjatë himnit kombëtar dhe mezi po e prisja atë moment”.
“Ishte një moment shumë, shumë i veçantë, ndërsa unë po qëndroja përballë pesëdhjetë fotografëve. Kjo ma prishi disi përjetimin sot”, deklaroi Tuchel.
Trajneri 52-vjeçar po e përjeton për herë të parë një Kupë Bote në rolin e përzgjedhësit.
Ai e mori drejtimin e Anglisë në janar të vitit 2025.
