Tirana ka bërë lëvizjen e radhës në merkato, duke afruar Joseph Colley. Mbrojtësi 27-vjeçar i bashkohet “bardhebluve” në Superiore, pasi i dha fund eksperiencës së tij te Wisla Krakow në Poloni.
Futbollisti nga Gambia ka nënshkruar me klubin kryeqytetas një marrëveshje 2-vjeçare, që do ta mbajë të lidhur me Tiranën deri në verën e vitit 2028. Për kartonin e tij, bardheblutë nuk kanë paguar asnjë shumë, duke qenë se Colley ishte lojtar i lirë.
Sa i përket karrierës së tij, 27-vjeçari e ka nisur në Suedi me IF Bromma. Më pas ai ka qenë pjesë edhe e akademisë së Chelsea-t, ndërsa në vijim është aktivizuar gjithashtu me Chievo Verona dhe Sirius.
