Klubet e Premier Ligës do të përballen me një ndëshkim nëse bëjnë dy gjëra që ne i shohim pothuajse çdo nfeshje. Vitet e fundit kanë parë IFAB, ligjvënësit e futbollit, duke kërkuar të godasin portierët, pasi këta të fundit po përdorin taktika vonese në lojë.
Dhe tani The Sun ka pohuar se liga është vendosur të synojë skuadrat që urdhërojnë fëmijët që mbledhin topa, të vrapojnë me shpejtësi nëse skuadra e tyre po fiton.
Një panel dyshohet se po shqyrton dënimet e mundshme për moskthimin e shpejtë të topit te kundërshtari.
Rasti i famshëm, ish-ylli i Chelseat, Eden Hazard, u përjashtua nga ndeshja dhe u dënua me tri ndeshje për shkak të goditjes me shqelm të 17-vjeçarit të atëhershëm të Swanseas, Charlie Morgan gjatë gjysmëfinales së Kupës së Ligës në vitin 2013.
Incidenti nxiti paralajmërime për klubet për humbje kohe. Megjithatë, drejtuesit e Ligës Premier thuhet se janë të shqetësuar se taktika po kthehet përsëri në lojë.
Për më tepër, javën e kaluar publikimi pretendoi se një rregull prej tetë sekondash po propozohet për të ndaluar portierët të mbajnë topin për një kohë të gjatë, me një provë që mund të futet në Ligën e Futbollit nga sezoni i ardhshëm.
Rregulli aktual prej gjashtë sekondave, i cili zbatohet rrallë, supozohet se do të zgjatet në tetë sekonda.
Gjyqtarëve gjithashtu thuhet se do t’u kërkohet të mbajnë duart lart dhe të numërojnë mbrapsht deri në zero kur një portier i mbeten pesë sekonda.
Nëse portieri dështon të godasë topin në kohë, raportohet se ai mund të rrezikojë të japë një rivënie ose një goditje nga këndi. /Telegrafi/
sport,Premier League , Premier League
