Dardan Shabanhaxhaj është lojtari më i ri i Rubin Kazan. Lajmi është bërë i ditur nga klubi rus, nëpërmjet një postimi në rrjetet sociale. Shabanhaxhaj gjen te Rubin lojtarin e Shqipërisë, Mirlind Daku. Video e zyrtarizimit është epike, me të dy futbollistët që dëgjojnë muzikë shqip.
Sa i takon shifrave të transferimit, 22-vjeçari largohet nga sllovenët e Mura për 1.2 milionë euro, ndërsa kontrata e firmosur vlen për katër vite e gjysmë. “Unë dua t’ju falënderoj të gjithëve nga thellësia e zemrës sime.Ishte një kohë e bukur në klub dhe jam mirënjohës për mbështetjen e tifozëve. Ju gjithmonë më keni motivuar dhe më keni dhënë forcë. Faleminderit per gjithçka” – Shkruajti lojtari në rrjetet sociale pas largimit nga Mura.
Dardan Shabanhaxhaj ka luajtur edhe në Austri, ku ka veshur fanellën e Sturm Graz dhe Kapfenberg. /balkanweb/
sport,dardan shabanhaxhaj,liga ruse,Mirlind Daku,rubin kazan , dardan shabanhaxhaj,liga ruse,Mirlind Daku,rubin kazan
