Lionel Messi, ylli i Inter Miamit, po vazhdon të dominojë në Kupën e Botës 2026, gjë që reflektohet qartë edhe në statistikat e tij.
Me paraqitjet në këtë edicion të turneut, argjentinasi ka rrëzuar disa rekorde, duke e forcuar edhe më tej vendin e tij në historinë e futbollit.
Para fillimit të kësaj Kupe të Botës, rekordin si golashënuesi më i mirë në histori e mbante Miroslav Klose me 16 gola. Tani, Messi e ka kaluar atë shifër dhe ka shkuar në 21 gola, numër që mund të rritet ende, pasi Argjentina është kualifikuar në çerekfinale.
Ai ka lënë pas edhe Diego Maradonën për asistimet më të shumta, duke arritur në kuotën e 9 asistimeve, një më shumë se legjenda tashmë e ndjerë.
Po ashtu, Messi realizoi në nëntë ndeshje rresht, duke kaluar kështu emra të mëdhenj si Just Fontaine dhe Jairzinho, që kishin nga gjashtë ndeshje të tilla.
39-vjeçari ka vendosur një tjetër rekord edhe në fazën e eliminimit direkt, ku ka shënuar gjashtë gola radhazi, duke lënë pas brazilianin Leonidas Vava, i cili kishte realizuar pesë herë.
Në fund, Lionel Messi theu edhe rekordin e vet për numrin më të madh të paraqitjeve në Kupën e Botës. Nga 26 ndeshje, ai tani ka shkuar në 31 dhe mund të shtojë edhe ndonjë tjetër, nëse nuk pëson lëndim gjatë stërvitjes.
Në çerekfinale, Argjentina do të luajë ndaj Zvicrës./
