Liverpooli dhe Milani në garë të fortë për transferimin e top yllit të Juventusit

Juventusi mbetet i vendosur për të mbajtur shërbimet e Adrien Rabiot mes interesimit nga Liverpooli dhe Milani.

Mesfushori francez është një lojtarë i lirë për momentin pasi kontrata e tij me Juventusin ka skaduar më datë 30 qershor.

Lojtari pritet që të bëhet pjesë e një ekipi tjetër para sezonit 2024/2025, sidoqoftë Calciomercato ka raportuar se ‘Bianconerët’ kanë besim se do të mbajnë shërbimet e tij.

Raporti tutje shton se gjiganti italian ka përgatitur një kontratë dyvjeçarë për 29-vjeçarin e cila vlen rreth shtatë milionë euro në sezon, me opsionin për ta zgjatur edhe një vit tjetër.

Trajneri i ri Thiago Motta thuhet se ka një pëlqim të madh ndaj Rabiotit dhe dëshiron që ta mbajë lojtarin teksa po synon që ta rindërtojë nga e para Juventusin.

Juventusi pritet që të konkurrojë me ekipe si rivali Milani dhe gjiganti anglez Liverpooli që po ashtu ka shprehur interesim për reprezentuesin francez.

Në sezonin e tij të fundit në Turin, Rabiot u paraqit në 35 ndeshje në të gjtiha garat, duke shënuar pesë gola dhe duke dhuruar tri asistime.