Jurgen Mehidri nuk do të vazhdojë më te Korabi. Portieri 28-vjeçar dhe klubi dibran i kanë dhënë fund bashkëpunimit pas vetëm një sezoni së bashku.
Lajmin për largimin e ka bërë të ditur vetë gardiani përmes një postimi në rrjetet sociale. “Nga ky moment nuk jam më pjesë e KF Korabit. Faleminderit Korabi”, shkruan Mehidri.
Pas këtij zhvillimi, 28-vjeçari është tashmë një lojtar i lirë në tregun e transferimeve. Më herët, Mehidri ka qenë pjesë e Laçit, Tërbunit, Vorës, Vllaznisë dhe Besës së Kavajës.
