Kombëtaret

Ilir Krasniqi spikat me statistika mbresëlënëse në mbrojtje

Ilir Krasniqi është shndërruar në një prej futbollistëve më të rëndësishëm të Kosovës gjatë këtij edicioni të Ligës së Kombeve. Mbrojtësi ka luajtur nga minuta e parë në të pesë përballjet e Kosovës në Grupin B3, duke dhënë paraqitje të nivelit të lartë në secilën ndeshje. Futbollisti që…

Ilir Krasniqi spikat me statistika mbresëlënëse në mbrojtje

Ilir Krasniqi është shndërruar në një prej futbollistëve më të rëndësishëm të Kosovës gjatë këtij edicioni të Ligës së Kombeve.

Mbrojtësi ka luajtur nga minuta e parë në të pesë përballjet e Kosovës në Grupin B3, duke dhënë paraqitje të nivelit të lartë në secilën ndeshje.

Futbollisti që aktivizohet në Ukrainë me Polyssia Zhytomyr po forcon gjithnjë e më shumë statusin e tij si një nga mbrojtësit më të spikatur të këtij edicioni të Ligës së Kombeve.

Statistikat e vendosin atë mes lojtarëve më të dalluar të turneut për ndërhyrjet dhe topat e rikuperuar.

Krasniqi ka realizuar 19 ndërhyrje, shifër me të cilën kryeson së bashku me turkun Ismail Yuksek. Në renditjen e topave të rikuperuar, mbrojtësi kosovar mban vendin e dytë me 43 të tillë.

Në gjashtë ndeshjet e fundit të Kosovës, ku përfshihen edhe miqësoret ndaj Çekisë dhe Andorrës, Krasniqi ka qenë titullar i padiskutueshëm dhe nuk është zëvendësuar te “Dardanët”.