Përballja e fazës së grupeve në Kupën e Botës 2026 mes Francës dhe Norvegjisë mund të mos zhvillohet sipas orarit, pasi kushtet atmosferike pritet të jenë të pafavorshme.
Mediumi francez L’Equipe raporton se autoritetet vendore, së bashku me organizatorët e turneut, po e ndjekin me vëmendje parashikimin e motit para ndeshjes së Grupit I.
Në zonën pranë stadiumit, në momentin e fillimit të takimit, parashikohen reshje të forta shiu, stuhi dhe rrezik nga rrufetë, çka ka ngritur shqetësime të mëdha për sigurinë e lojtarëve dhe tifozëve.
Sipas rregullave të FIFA-s, ndeshjet mund të shtyhen, vonohen ose edhe të pezullohen kur moti konsiderohet i rrezikshëm.
Vendimi përfundimtar pritet të merret sa më afër orarit të fillimit, varësisht nga mënyra se si do të zhvillohet situata meteorologjike.
Franca e ka siguruar tashmë kualifikimin për në fazën me eliminim direkt, ndërsa Norvegjia vazhdon të ushqejë shpresat për avancim dhe do të dëshironte që sfida të luhej sipas planit.
