Vllaznia ka realizuar një tjetër lëvizje në merkato, teksa ka siguruar tashmë firmën e mesfushorit Herald Marku.
Sipas burimeve për Newsport.al, futbollisti e ka hedhur tashmë firmën “mbi të bardhë e të zezë” dhe do të jetë pjesë e kuqebluve duke nisur nga sezoni i ardhshëm 2026/27 deri në verën e vitit pasardhës, pra me një kontratë 1-vjeçare.
Tashmë mbetet vetëm zyrtarizimi nga klubi shkodran për të konfirmuar rikthimin e 30-vjeçarit në Shkodër, ndërsa ky njoftim mund të vijë në orët e ardhshme.
Për trajnerin Edi Martini, afrimi i Markut do të përfaqësonte një tjetër rritje cilësore në mesfushë, duke marrë parasysh edhe largimet e paralajmëruara në këtë skuadër. /Nikoll RAJTA/
