Dinamo fitoi miqësoren e radhës të luajtur në Ohër përballë Strugës, në një sfidë me 5 gola që u mbyll 3-2 për “blutë” e kryeqytetit.
Për ekipin dinamovit realizuan Farruku dhe Vila, ndërsa goli i tretë erdhi nga një autogol i kundërshtarit.
Ndonëse bëhej fjalë për një ndeshje përgatitore në funksion të raundit të parë të Conference League, skuadra e drejtuar nga Ilir Daja dha shenja shumë pozitive dhe tregoi nivel të lartë në fushë.
Në anën tjetër, Struga e drejtuar nga Bledi Shkëmbi u përpoq të rivalizonte, por nuk arriti të ndalte kryeqytetasit.
