Gjiganti spanjoll, Real Madrid ka ftuar një legjendë të Bayern Munichut në ndeshjen e tyre në Ligën e Kampionëve pas shkarkimit të tij nga klubi gjerman.
Reali pret Bayernin sonte (e mërkurë) në ndeshjen e dytë gjysmëfinale për një vend në finalen e Ligës së Kampionëve të këtij sezoni.
Fituesi do të takohet me Borussia Dortmundin, i cili mundi Paris Saint-Germain 2-0 në total – me gjigantët francezë të tallur egërsisht në mediat sociale pas eliminimit të tyre.
Los Blancos dhe Bavarezët luajtën një barazim emocionues 2-2 në ndeshjen e tyre të parë gjysmëfinale në Allianz Arena javën e kaluar.
Ata do të rinovojnë armiqësitë sonte në Bernabeu për një vend në shfaqjen finale të muajit të ardhshëm në Wembley.
Dhe përpara dy gjigantëve evropianë, skuadra e La Ligës ka ftuar për ta shikuar lojën ikonën e Bayernit, Oliver Kahn.
Sipas gazetës gjermane BILD, klubi i Bundesligës nuk arriti të ftojë ish-portierin e tyre në ndeshjen e sotme dhe pse shijoi një periudhë legjendare te Bayern, duke bërë mbi 600 paraqitje.
Ai fitoi tetë tituj mbresëlënës të Bundesligës dhe Ligës e Kampionëve gjatë periudhës së tij 14-vjeçare në klubin bavarez.
Pas qëndrimit të tij në Bayern, Kahn iu bashkua bordit të klubit si drejtor i tyre. Por, ai u pushua nga detyra vitin e kaluar së bashku me bashkëlojtarin e dikurshëm Hasan Salihamidzic.
Ai u zëvendësua nga Jan-Christian Dreesen pas një vendimi të marrë nga bordi mbikëqyrës i klubit.
Kahn u shkarkua menjëherë pas triumfit të Bayernit në Bundesligë sezonin e kaluar.
54-vjeçari do të shikojë skuadrën e tij të vjetër në veprim pas ftesës së Realit. /Telegrafi/
🚨 Real Madrid invited Bayern legend Oliver Kahn to the Bernabéu for the game – Bayern did not invite him. @BILD 🇩🇪 pic.twitter.com/3KnTSPFESc
— Madrid Zone (@theMadridZone) May 7, 2024
sport,Bayern Munich,la liga,Oliver Kahn,real madrid , Bayern Munich,la liga,Oliver Kahn,real madrid
