Gjatë muajve të fundit, Iker Bravo ka pasur mundësinë që të luftojë për t’i dhënë vetes një shans që të vazhdojë si lojtar i Real Madridit.
19-vjeçari i cili është transferuar në Spanjë në formë huazimi nga Bayer Leverkuseni në verën e vitit 2022, ka qenë një lojtar shumë i dobishëm për grupmoshat U19 të ‘Los Blancos’, por të njëjtën formë nuk ka arritur që ta tregojë për Castillan e cila drejtohet nga ish-legjenda madrilene Raul Gonzalez.
Ka pasur thashetheme se Bravo mund të rikthehet tek lideri i Bundesligës në janar, por ai ka qëndruar në kryeqytetin spanjoll, diçka që i jep një mundësi që kartoni i tij të blihet përfundimisht.
Siç u raportua nga Marca, Real Madridi ka opsionin e blerjes përfundimtare të tij në vlerë prej 10 milionë euro, diçka që momentalisht po refuzojnë ta bëjnë pasi kanë dyshime.
Ata mund të negociojnë për të ulur çmimin e tij, pasi Leverkuseni me shumë mundësi do të ishin të hapur për negociata.
Për më shumë, vendimi nëse Bravo do të mbetet përfundimisht pjesë e Real Madridit do të varet edhe nga ndërrimi i trajnerit tek sistemi i të rinjve, pasi në rast se Raul qëndron në krye të Castillës, atëherë ka shumë pak gjasa që Bravo të nënshkruhet.
Sidoqoftë, Alvaro Arbeloa duke në rrugë të mirë që të promovohet nga ekipi i U19, dhe ai ka lënë të nënkuptohet se do të llogariste në shërbimet e Bravos.
Mbetet të shihet nëse Real Madridi do të aktivizojë klauzolën e blerjes për Bravon. Ai është një lojtar premtues, ndonëse nuk ka arritur ende që të shfaqë potencialin e tij të plotë. /Telegrafi/
sport,la liga,real madrid , la liga,real madrid
