Kombëtarja e Izraelit ka mbërritur në Kosovë për ndeshjen që do të zhvillojë nesër kundër Kombëtares së Kosovës në stadiumin “Fadil Vokrri” në Prishtinë.
Konferenca zyrtare e ekipit izraelit para takimit është parashikuar për orën 11:00. Prania e delegacionit ka sjellë rëndim të qarkullimit në magjistralen Prishtinë – Ferizaj, ku aktualisht janë krijuar kolona kilometërshe.
Në këtë segment janë vërejtur edhe masa të shtuara policore, pranë vendit ku po qëndron Kombëtarja e Izraelit. Në rrugë është parë gjithashtu autokolona e policisë që shoqëronte futbollistët izraelitë.
