Përfaqësuesja e Belgjikës ka regjistruar edhe një paraqitje zhgënjyese në Kupën e Botës, kësaj radhe përballë Iranit.
Ndonëse konsiderohej favorite e qartë, skuadra belge nuk arriti në asnjë moment ta gjejë golin, me takimin që përfundoi 0-0.
Belgjika e nisi ndeshjen më mirë, duke krijuar disa mundësi shënimi, por pa sukses në finalizim.
Më pas, kur pak kush e priste, Irani e dërgoi topin në rrjetë me Taremin, por goli u anulua pas rishikimit nga VAR-i për pozitë jashtë loje.
Belgjika vazhdoi të kontrollojë posedimin dhe të krijojë raste të shumta, megjithatë sulmuesit nuk ishin të saktë para portës, ndërsa portieri iranian ishte vazhdimisht në vendin e duhur.
Gjendja për belgët u vështirësua edhe më shumë kur mbrojtësi Dario Herrera bëri një ndërhyrje të panevojshme dhe u ndëshkua menjëherë me karton të kuq.
Me këtë barazim, Belgjika regjistron të dytin në grupin G, ndërsa në ndeshjen e fundit duhet patjetër të fitojë për të siguruar kualifikimin tutje.//
