Përfaqësueset afrikane në turnetë e mëdhenj shpesh nuk sjellin vetëm përkrahjen e zjarrtë të tifozëve, por edhe elementë të “magjisë” tradicionale vendase.
Gjatë takimit të Kupës së Botës mes Ganës dhe Panamasë, kamerat e transmetimit fiksuan një skenë tepër të pazakontë.
Në minutën e 16-të, një tifoz nga Gana vendosi të kryente një ritual në tribunë.
Ai nxori një enë të vogël, hodhi një pluhur të bardhë në pëllëmbën e dorës dhe më pas e fryu në drejtim të fushës.
Pjesa më intriguese ishte se ky ritual, të paktën në dukje, dha efekt. Gana pati vështirësi gjatë gjithë ndeshjes për të gjetur rrugën drejt rrjetës së Panamasë, por momenti vendimtar erdhi krejt në fund.
Në minutën e pestë të kohës shtesë (90+5’), Caleb Yirenkyi realizoi golin e fitores në çastet e fundit, duke i dhënë vendit të tij triumfin e parë në Kupën e Botës 2026.
