Gjithçka është bërë gati për sfidën mes Anglisë dhe Kroacisë, me të dyja përfaqësueset që do të dalin në fushë për ndeshjen e tyre të parë në Kupën e Botës 2026.
Trajneri i Anglisë, Thomas Tuchel, ka zgjedhur t’i japë besim kapitenit Harry Kane në krye të sulmit, ndërsa pas tij do të rreshtohen Jude Bellingham, Noni Madueke dhe Anthony Gordon.
Në repartin e mesfushës e nisin nga minuta e parë Declan Rice dhe Elliot Anderson, ndërsa linja mbrojtëse drejtohet nga John Stones.
Nga ana tjetër, Kroacia e Zlatko Dalić vijon të mbështetet te eksperienca e legjendës Luka Modrić.
Mesfushori 40-vjeçar do ta udhëheqë ekipin në këtë debutim në Botëror, me mbështetjen e Perišić, Baturina dhe Pašalić në fazën sulmuese.
Parashikohet një përballje spektakolare mes dy kombëtareve, që synojnë ta nisin me triumf aventurën e tyre në Botërorin e Amerikës së Veriut.
Anglia: Pickford – James, Stones, Konsa, O’Reilly – Anderson, Rice – Madueke, Bellingham, Gordon – Kane.
Kroacia: Livaković – Šutalo, Vušković, Gvardiol – Stanišić, Modrić, P. Sučić, Perišić – Mario Pašalić, Baturina – Musa.
