Antonio Rudiger do të mbetet pjesë e Real Madridit edhe për dy sezone të tjera.
Sipas specialistit të merkatos Fabrizio Romano, mbrojtësi qendror gjerman ka firmosur zyrtarisht kontratën e re me klubin madrilen, e cila do ta mbajë në “Santiago Bernabeu” deri në verën e vitit 2027.
Kontrata e mëparshme e 33-vjeçarit përfundonte në fund të këtij muaji, por të dyja palët kanë gjetur gjuhën e përbashkët për të vijuar bashkëpunimin. Zyrtarizimi nga Real Madridi pritet të bëhet brenda 24 orëve të ardhshme.
Rudiger pritet të ketë një peshë të madhe në repartin e mbrojtjes së “Los Blancos” gjatë sezonit të ardhshëm, nën udhëheqjen e trajnerit Jose Mourinho.
Mbrojtësi gjerman u aktivizua së fundmi nga stoli në triumfin e thellë 7-1 të Gjermanisë ndaj Curacaos, në ndeshjen e parë të Botërorit.
Në të njëjtën kohë, Real Madridi po vijon punën për të përforcuar prapavijën, ndërsa raportohet se ka arritur marrëveshje për transferimin e Ibrahima Konate, Denzel Dumfries dhe Marc Cucurella, të cilët pritet t’i bashkohen ekipit në muajt në vijim./
