Real Madridi ka bërë zyrtare afrimin e mbrojtësit francez Ibrahima Konate, i cili i bashkohet klubit si lojtar i lirë pas përfundimit të kontratës së tij me Liverpoolin.
Klubi madrilen ka konfirmuar kështu transferimin e tretë në këtë afat kalimtar, përveç emërimit të trajnerit Jose Mourinho.
Futbollisti më i fundit që i është bashkuar Los Blancos është qendërmbrojtësi francez Konate, i cili ka firmosur një marrëveshje katërvjeçare.
“Real Madrid CF dhe Ibrahima Konate kanë arritur marrëveshje që ai të jetë lojtar i Real Madridit për katër sezonet e ardhshme, deri më 30 qershor 2030”.
Përpara mbrojtësit francez, Real Madridi kishte zyrtarizuar edhe afrimet e Marc Cucurellas dhe Bernardo Silvas.
Në mesin e marrëveshjeve që priten të zyrtarizohen së shpejti është edhe ylli i Interit, Denzel Dumfries, ndërsa klubi ka avancuar gjithashtu në bisedimet për transferimin e Enzo Fernandez nga Chelsea.
