JJ Gabriel, talenti 16-vjeçar i Manchester Unitedit, ka zgjedhur Real Madridin përpara Bayern Munichut, PSG-së dhe Barcelonës.
Gazetari i “Sky Sport”, Florian Plettenberg, raporton se Gabriel dhe përfaqësuesit e tij kanë përparuar në bisedimet me klubin spanjoll. Sipas tij, palët kanë arritur një marrëveshje në parim, e cila pritet të përmbyllet së shpejti; mbetet ende të caktohen testet mjekësore.
Plettenberg shtoi se transferimi është planifikuar për më 1 janar, falë pasaportës evropiane të lojtarit. Manchester Unitedi do të marrë kompensim vetëm për mungesën e tij në stërvitje.
Pas kalimit te Real Madridi, JJ Gabriel pritet t’i bashkohet fillimisht ekipit të dytë.
