Presidenti i La Ligës, Javier Tebas ka deklaruar për herë të parë se do të merren masa ndaj Real Madrid TV për kritikat e vazhdueshme ndaj gjyqtarëve, duke krijuar një mjedis me presion të lartë për gjyqtarët. Videot e goditura kundër çdo gjyqtari që merr drejtimin e një ndeshjeje të Real Madridit përpara ndeshjes janë bërë jo vetëm zakon për RMTV, por edhe një temë shumë e diskutueshme e bisedave këtë sezon.
Tebas ka thënë për Mundo Deportivo se të drejtat për imazhet televizive të La Ligës janë të dhëna publike dhe se ata ishin duke e shqyrtuar këtë çështje.
“Kanali është një koncesion publik. Jam i sigurt se u dha me supozimin se do të respektonin vlerat e sportit. Duhet të rishikohen kushtet e të drejtave. La Liga ka filluar të marrë masa kundër videove”, ka thënë fillimisht Tebas.
“A mund ta imagjinoni një video të gjyqtarëve të krijuar nga Barca dhe pjesa tjetër e klubeve që ndjekin shembullin? Do ta shkatërronim futbollin. Është e qartë se ne nuk mund të vazhdojmë në këtë rrugë”.
“Askush nuk ngul kokën për videot për shkak të asaj se çfarë është Real Madridi në këtë vend. Ata kërkojnë respekt. Gjyqtarët kanë mjaftuar me rastin Negreira. Unë kam qenë president për dhjetë vjet dhe të kesh Florentinon çdo ditë para teje, nuk është komode”, përfundoi i pari i La Ligës. /Telegrafi/
sport,la liga,real madrid , la liga,real madrid
