Lionel Messi ka realizuar edhe golin e tij të dytë në ndeshjen mes Argjentinës dhe Algjerisë në Kupën e Botës 2026, duke dëshmuar sërish rolin e tij vendimtar për kampionët në fuqi.
Goli erdhi në minutën e 60-të të takimit, pas një goditjeje nga distanca të Alexis Mac Allister, që nuk u kontrollua siç duhet nga portieri algjerian. Topi i mbetur në zonë u shfrytëzua menjëherë nga Lionel Messi, i cili u gjend në vendin e duhur për ta dërguar në rrjetë.
Ky është goli i dytë personal i Messit në këtë ndeshje, pasi kapiteni i Argjentinës kishte shënuar më herët në minutën e 18-të me një goditje spektakolare nga distanca.
Me këtë dopietë, Messi vazhdon të jetë figura kryesore e Argjentinës në përballjen ndaj Algjerisë, duke thelluar epërsinë në një ndeshje të rëndësishme të fazës së grupeve.
