Të qëndrosh për shumë kohë, në majat e futbollit duhet të kesh një strategji të mirëmenduar, të paktën për sa i përket merkatos së transferimeve dhe këtu bëhet fjalë jo vetëm për skuadrën e parë, por edhe për talentet e reja, të cilët në rast “shpërthimi”, mund të jenë eksponentë në organikanën e skuadrës, në një të ardhme.
Një strategji të tillë e ndjekin prej kohësh edhe “Galaktikët” e Real Madrid, të cilët këto vitet e fundit kanë afruar emra të mëdhenj, si Vinicius Junior, Rodrygo, Edoardo Camavinga, Jude Bellingham, Aurelien Tchouamen apo Arda Guler, pas llogaritur këtu super talentin brazilian, Endrick, i cili do t’i bashkohet klubit, në verën e këtij viti.
Afrimi më i ri, në radhët e “Los Blancos” është raportuar mëngjesin e kësaj të hëne, me “Mbretërit” e Madridit, që kanë transferuar anësorin e talentuar, nga Puerto Riko, Jeremy De Leon, nga klubi i kategorisë së tretë spanjolle, Castellon dhe do të jetë i pari lojtari, me këtë kombësi, te 14 herë fituesit e UEFA Champions League.
De Leon aktivizohet në fazën ofensive dhe fillimisht do t’i bashkohet të rinjve të Real Madrid e nëse ia del që të shkëlqejë, atëherë trajneri Carlo Ancelotti mund t’i dhurojë një shans edhe në ekipin e parë, megjithatë duket se ky shans nuk do të vonojë shumë për të ardhur, pasi 19-vjeçari, konsiderohet një lojtar që i “djeg” mbrojtësit falë shpejtësisë ndërsa ai vetë refuzoi dy oferta nga klube të La Liga vetëm për t’iu bashkuar “Galaktikëve”. /abcnews.al
sport,de leon,puerto riko,real madrid , de leon,puerto riko,real madrid
