Merkato

Gjilani e përforcon sulmin, zyrtarizon Ade Oguns me kontratë deri më 2028

Klubi i Gjilanit ka njoftuar zyrtarisht ardhjen e sulmuesit Ade Oguns, i cili ka nënshkruar me skuadrën kuqebardhë deri në verën e vitit 2028. Futbollisti 25-vjeçar aktivizohet në repartin e avancuar dhe vlerësohet si një alternativë më shumë për trajnerin, çka pritet të shtojë rivalitetin brenda…

Gjilani e përforcon sulmin, zyrtarizon Ade Oguns me kontratë deri më 2028

Klubi i Gjilanit ka njoftuar zyrtarisht ardhjen e sulmuesit Ade Oguns, i cili ka nënshkruar me skuadrën kuqebardhë deri në verën e vitit 2028.

Futbollisti 25-vjeçar aktivizohet në repartin e avancuar dhe vlerësohet si një alternativë më shumë për trajnerin, çka pritet të shtojë rivalitetin brenda fazës sulmuese të ekipit.

Oguns sjell përvojë ndërkombëtare nga klube si Caracas FC në Venezuelë, Wydad AC në Marok dhe KAS Eupen në Belgjikë. Ndërkaq, në futbollin e Kosovës ka veshur edhe fanellën e Ferizajt.

Sipas njoftimit të klubit gjilanas, të gjitha procedurat e regjistrimit janë mbyllur me sukses dhe lojtari do të jetë i gatshëm për shtabin teknik që në ndeshjen e radhës kampionale kundër Ballkanit.