Barcelonës po i ikën nga dora lojtari që kushton 60 milionë euro

Barcelona ka si një nga prioritetet e saj kryesore për sezonin 2024-2025 transferimin e një mesfushori plotësisht të dëshmuar.

Megjithatë, ky kërkim është i kushtëzuar nga realiteti i stresuar ekonomik i klubit katalunas.

Nisur nga kjo situatë, Barcelona po përgatit raportime të detajuara për kandidatët e mundshëm, duke marrë parasysh kriteret si kategoria, çmimi dhe mosha.

Një nga emrat që ka dalë në këtë kërkim është Mikel Merino, lojtari 27-vjeçar i cili aktualisht luan për Real Sociedad.

Barcelona prej disa kohësh po monitoron nga afër mesfushorin si një shtesë e mundshme për të forcuar mesfushën e saj.

Megjithatë, një operacion për këtë lojtar mund të arrijë në 60 milionë euro, gjë që e vështirëson detyrën e klubit të Barçës duke pasur parasysh situatën aktuale ekonomike. /Telegrafi/