La Liga

Barcelona gati të synojë Eli Junior Kroupi nëse dështon marrëveshja për Julian Alvarezin

Sipas raportimeve të Diario SPORT, Barcelona do të hidhet në sulm për sulmuesin e Bournemouthit, Eli Junior Kroupi, nëse dështon në përpjekjet për të transferuar Julian Alvarezin.Sulmuesi 20-vjeçar francez ka shpërthyer këtë sezon me paraqitjet e tij mbresëlënëse dhe tashmë ka tërhequr interesimin e

Barcelona gati të synojë Eli Junior Kroupi nëse dështon marrëveshja për Julian Alvarezin

Barcelona po e mban në vëzhgim sulmuesin e Bournemouthit, Eli Junior Kroupi, si alternativë në rast se nuk arrin të transferojë Julian Alvarezin, raportojnë burime të Diario SPORT.

Prioriteti i klubit katalanas vazhdon të jetë afrimi i Alvarezit, por nëse ky operacion nuk finalizohet, drejtuesit e Barcelonës e shohin Kroupin si zgjidhjen më të përshtatshme.

Francezi 20-vjeçar ka qenë një nga emrat më të spikatur të këtij sezoni falë paraqitjeve të tij shumë të mira, duke zgjuar interesimin e disa gjigantëve evropianë si Liverpooli, Arsenali dhe Paris Saint-Germaini.

Nën drejtimin e trajnerit Andoni Iraola, sulmuesi me këmbë të djathtë është kthyer në një nga surprizat më të mëdha të këtij edicioni në Ligën Premier, ku ka shënuar 13 gola.

Forma e tij e shkëlqyer te Bournemouthi ka bërë që edhe vlera e tij në treg të rritet ndjeshëm, me kartonin që aktualisht vlerësohet rreth 70 milionë euro.

Ndërkohë, përzgjedhësi i Francës, Didier Deschamps, nuk e përfshiu Kroupin në listën për Kupën e Botës, kryesisht për shkak të konkurrencës së fortë në repartin sulmues, ku bie në sy emri i Kylian Mbappes.