Vllaznia është skuadra më në formë e Superiores. Ata kanë fituar 5 ndeshje radhazi, si asnjë tjetër te kampionati shqiptar. Pas humbjes 3 me 0 me Egnatian në Rrogozhinë, pasuan disa fitore.
Dinamo, Tirana, Skënderbeu, Kukësi dhe së fundmi Erzeni kanë sjellë 15 pikë për shkodranët që pozicionohen në vendin e tretë. Takimi i radhës është përballë Partizanit, më 28 janar në “Loro Boriçi”.
A do jetë Partizani “viktima” e radhës? Mbetet për t’u parë në Shkodër. Të kuqtë udhëtojnë pasi humbën në shtëpi 1 me 2 përballë Laçit dhe një hap tjetër fals do sillte zhgënjim të madh brenda klubit. /newsport.al/
sport,Partizani,vllaznia , Partizani,vllaznia
