Në fillim të këtij muaji, Real Madrid njoftoi ardhjen e Kylian Mbappe, i cili do të bashkohet zyrtarisht më 1 korrik kur i skadon kontrata e tij me Paris Saint-Germain.
Ndërsa marrëveshja është pritur me emocione ekstreme nga tifozët e Los Blancos, duket se ndjenja nuk është e njëjtë për disa lojtarë në skuadrën e Carlo Ancelottit.
Sipas mediumit UOL, disa anëtarë të kontingjentit brazilian të Real Madridit – ka të ngjarë të jenë Vinicius Junior dhe Rodrygo Goes – kanë frikë nga një humbje e rëndësisë për shkak të ardhjes së Mbappes.
Besohet se Rodrygo është më i prekuri, pasi është vendi i tij në formacion që do të rrezikohej nëse Ancelotti nuk rikthehet në sistemin 4-3-3 për sezonin e ardhshëm.
Për më tepër, deklaratat e fundit të Mbappes se Kampionatet Evropiane janë “më të vështira” se Kupa e Botës u interpretuan nga yjet brazilianë të Real Madridit si përçmuese.
Në fund të fundit, ardhja e Mbappes është një gjë shumë e mirë për Real Madridin, edhe pse është e kuptueshme që disa nga lojtarët e tyre ekzistues do të ndiheshin të kërcënuar prej tij, duke qenë se ai konsiderohet si një nga lojtarët më të mirë në botë.
Do të jetë detyra e Ancelottit dhe stafit të tij stërvitor të sigurojnë që kjo “luftë e brendshme” e supozuar të mos dalë jashtë kontrollit. /Telegrafi/
sport,la liga,real madrid , la liga,real madrid
