Zyra e Prokurorit të FIGC ka mbyllur hetimin e saj ndaj Denzel Dumfries pasi mbrojtësi i Interit u pa duke mbajtur një pankartë që fyente Theo Hernandez të Milanit në festën e fundit të Scudettos.
Gjatë paradës së fitores së titullit të Nerazzurrëve dhe festimeve më 28 prill, të cilat erdhën vetëm disa ditë pas fitores së tyre vendimtare në Derby della Madonnina ndaj kuqezinjve.
Në këtë festë, holandezi 28-vjeçar mbajti me gëzim lart një pankartë që tregonte atë duke mbajtur homologun e tij të Milanit në zinxhir si një qen.
Incidenti shkaktoi menjëherë polemika me tifozët e Milanit dhe Dumfries kërkoi falje të nesërmen, duke e quajtur atë një ‘gabim’, por pavarësisht kësaj një hetim u hap nga Zyra e Prokurorit të FIGC.
Sipas Corriere dello Sport, prokurori i FIGC-së, Giuseppe Chine ka përfunduar hetimin e tij për festimin e diskutueshëm të Dumfries në festën e Scudettos së Interit, duke i ofruar atij një marrëveshje për pranimin e fajësisë.
Pranimi i fajësisë do ta shohë atë të gjobitet me para, por të shmangë një pezullim dhe kjo pritet të pranohet nga lojtari.
Theo Hernandez heshti për incidentin dhe ende nuk e ka përmendur aktin edhe pas disa javësh, duke i mbyllur derën situatës. /Telegrafi/
sport,Denzel Dumfries,inter,serie a , Denzel Dumfries,inter,serie a
