Kylian Mbappe thuhet se u la në stadium nga autobusi i ekipit të Paris Saint-Germain pas humbjes 1-0 në ndeshjen e parë gjysmëfinale të Ligës së Kampionëve ndaj Borussia Dortmund të mërkurën mbrëma.
Niclas Fullkrug shënoi golin e vetëm të ndeshjes në Signal Iduna Park teksa skuadra e Bundesligës mori fitoren në ndeshjen e parë gjysmëfinale të Ligës së Kampionëve.
Jadon Sancho ishte më i miri për Dortmundin, ndërsa Mbappe u mbajt relativisht i qetë nga mbrojtja e ashpër e klubi verdhezi.
Reprezentuesi francez goditi shtyllën në pjesën e dytë, por nuk pati fat ta gjej golin në ndeshjen e parë.
Mbappe gjithashtu nuk doli nga stadiumi me pjesën tjetër të bashkëlojtarëve të tij, të cilët u kthyen në aeroport me trajnerin.
Sipas gazetës Le Parisien, Mbappe duhej të qëndronte për një kohë më të gjatë pasi u përzgjodh për testim të rastësishëm të dopingut.
Në përputhje me protokollin e UEFA-s, ai duhej të priste që të përfundonte testi i detyrueshëm dhe më pas të lidhej me shokët e tij të skuadrës në aeroport pasi u dërgua me transport privat.
Ndryshe, Mbappe është i vendosur për t’u larguar nga PSG si lojtar i lirë gjatë verës dhe do të bëjë gjithçka për ta kualifikuar ekipin në finalen e madhe.
Ai është vetëm dy gola larg arritjes së 50 golave në Ligën e Kampionëve duke barazuar shifrën e bashkëkombësit Thierry Henry në garën kryesore evropiane të klubeve. /Telegrafi/
Dortmund-PSG : le bus parisien a quitté le stade sans Kylian Mbappé !
➡️ https://t.co/yBfVYCTTkn pic.twitter.com/r853ILr4Sa— Le Parisien | PSG (@le_Parisien_PSG) May 1, 2024
sport,Kylian Mbappe,Ligue 1,PSG , Kylian Mbappe,Ligue 1,PSG
