La Liga

Mourinho bllokon ofertën e Milanit prej 60 milionë eurosh për Endrickun

Endricku pritet të vazhdojë të jetë pjesë e Real Madridit edhe në pjesën e dytë të sezonit, megjithëse deri tani ka pasur shumë pak minuta në dispozicion. Jose Mourinho nuk e konsideron largimin e sulmuesit brazilian si një mundësi të pranueshme dhe ka vendosur të pengojë transferimin e tij gjatë…

Mourinho bllokon ofertën e Milanit prej 60 milionë eurosh për Endrickun

Endricku pritet të vazhdojë të jetë pjesë e Real Madridit edhe në pjesën e dytë të sezonit, megjithëse deri tani ka pasur shumë pak minuta në dispozicion.

Jose Mourinho nuk e konsideron largimin e sulmuesit brazilian si një mundësi të pranueshme dhe ka vendosur të pengojë transferimin e tij gjatë afatit kalimtar të janarit 2027.

Sipas Corriere dello Sport, AC Milani i ka paraqitur klubit madrilen një propozim prej 60 milionë eurosh, ndërsa marrëveshja mund të përfshijë edhe 10 milionë euro të tjera në formën e bonuseve.

Klubi italian ka parashikuar gjithashtu një klauzolë riblerjeje prej 80 milionë eurosh, që do t’i jepte Real Madridit mundësinë për ta rikthyer futbollistin në të ardhmen.

Megjithatë, trajneri portugez beson se 20-vjeçari mund të bëhet më i rëndësishëm për ekipin gjatë muajve në vijim. Për këtë arsye, Mourinho kërkon ta mbajë Endrickun dhe t’i rrisë gradualisht mundësitë për të luajtur.

Deri në pushimin e fundit të kampionateve, të shkaktuar nga ndeshjet e kombëtareve, braziliani kishte luajtur vetëm 141 minuta në shtatë paraqitje zyrtare në La Liga dhe Ligën e Kampionëve.

Ky aktivizim është shumë më i ulët nga pritshmëritë që shoqëruan transferimin e tij nga Palmeiras në vitin 2024, kur Real Madridi e mori si një nga talentet më premtues të futbollit.

Milani e ka kthyer vëmendjen te Endricku pikërisht për shkak të hapësirës së kufizuar që po merr në Madrid, pasi synon të forcojë sulmin gjatë merkatos së dimrit.

Palët kanë shqyrtuar jo vetëm një transferim të përhershëm, por edhe një huazim fillestar që do të shoqërohej me opsion ose detyrim blerjeje.

Edhe Roma po e ndjek situatën dhe ka analizuar mundësinë e huazimit të sulmuesit brazilian. Sidoqoftë, vendimi i Mourinhos e bën më të ndërlikuar realizimin e një lëvizjeje të tillë.

Milani mund të mbështetet edhe te disa lidhje të veçanta për ta bindur futbollistin. Sipas raportimeve nga Italia, ish-futbollisti brazilian Kaka mund të përfshihet në përpjekjet për ta bindur Endrickun që të transferohet në Serie A.

Për momentin, e ardhmja e tij varet nga qëndrimi i Mourinhos dhe nga minutat që trajneri do t’i japë deri në hapjen e afatit kalimtar të janarit.

Edhe pse interesi nga Italia është i madh dhe Milani ka bërë një ofertë të konsiderueshme, trajneri portugez mbetet i vendosur ta mbajë Endrickun në Madrid.