Fitorja 4-0 ndaj Qipros ishte një nisje bindëse për Shqipërinë U-19. Armend Muslika, Gabriel Kulla dhe Elson Himallari spikatën në suksesin që u dha kuqezinjve tri pikët e para.
Në këtë triumf, lojtari i Tottenham shënoi dy gola, ndërsa kontribut dhanë edhe talenti i Sassuolos dhe ai i Partizanit në Superiore. Të drejtuarit nga Fatjon Tafaj bënë në fushë atë që kërkohej prej tyre: shënuan.
Paraqitja e kësaj grupmoshe i jep Shqipërisë arsye për optimizëm. Këta futbollistë po tregojnë cilësitë e tyre si me ekipet ku luajnë, ashtu edhe me fanellën e Kombëtares, duke shtuar besimin për një të ardhme më të ndritur.
