Elia Caprile vijon të shihet si një emër që mund t’i bashkohet Shqipërisë në të ardhmen. Portieri italian 25-vjeçar ka marrë pasaportën shqiptare përmes një dekreti të miratuar nga presidenti i Republikës, Bajram Begaj, çka e bën konkrete mundësinë e afrimit të tij nga Federata.
Interesi për të shoqërohet edhe me paraqitjet në fushë. Në javën e 11-të të Serie A, Caprile ishte ndër protagonistët e fitores së Cagliarit ndaj Frosinones. Takimi u mbyll me rezultatin e ngushtë 1-0 për vendasit, ndërsa gardiani mori vlerësimin më të lartë për atë që tregoi në portë.
Adopo shënoi golin që i siguroi Cagliarit tre pikët, por kontribut vendimtar dha edhe Caprile me 9 pritje. Falë kësaj performance, “Sofascore” e vlerësoi italianin me notën maksimale, 10.
Nëse përpjekja për ta afruar do të përmbyllej me sukses, Kombëtarja do të fitonte një alternativë luksi mes shtyllave. Në radhët e kuqezinjve janë gjithashtu Thomas Strakosha, Alen Sherri, Etrit Berisha, Mario Dajsinani dhe Klidman Lilo.
