Erling Haaland po spikat me Norvegjinë në Kupën e Botës 2026, ku deri tani ka realizuar pesë gola dhe ka ndihmuar përfaqësuesen skandinave të sigurojë kalimin në 1/8-tat, aty ku e pret përballja me Brazilin.
Përveç paraqitjeve në fushë, sulmuesi i Manchester Cityt është vënë re gjatë gjithë turneut edhe për një detaj të pandryshueshëm në pamjen e tij: flokët e gjatë të lidhur pas me lidhëse të veçanta dhe lehtësisht të dallueshme.
Këto lidhëse prodhohen nga KKNEKKI, markë e krijuar në Korenë e Jugut në vitin 1987, e cila aktualisht është në pronësi të kompanisë norvegjeze Bon Dep.
Madje, Haaland ka edhe një lidhëse flokësh të posaçme, të cilën e mban vetëm gjatë nxehjes para takimit.
Gjatë fazës së grupeve, ai mungoi vetëm në një ndeshje, atë ndaj Francës, që ishte sfida e tretë e Norvegjisë. Në të gjitha paraqitjet e tjera, sulmuesi ka përdorur të gjithë koleksionin e lidhëseve shumëngjyrëshe për modelin e tij të njohur të flokëve.
Ndonëse për shumë tifozë ky mund të ketë qenë një element i vogël dhe i pavënë re, ai është kthyer në një nga ritualet personale të Haaland gjatë gjithë Kupës së Botës 2026.
Tashmë është e qartë edhe arsyeja pse aksesori i tij i flokëve nuk është i njëjtë nga një ndeshje te tjetra.
