Korabi do të vijojë pa trajnerin Alfred Deliallisi, pasi 33-vjeçari ka bërë publik vendimin për t’u larguar nga posti i teknikut të skuadrës së Kategorisë së Parë. Njoftimin për mbylljen e bashkëpunimit me ekipin e Peshkopisë ai e ka dhënë përmes një “story” në rrjetet sociale.
Deliallisi mori në dorë drejtimin e Korabit më 6 mars të vitit 2025. Gjatë periudhës së tij në pankinë, ai regjistroi 41 ndeshje, me bilanc prej 13 fitoresh, 13 barazimesh dhe 15 humbjesh.
Sa i takon sezonit 2025-2026, formacioni verior e mbylli kampionatin në vendin e 8-të të renditjes, duke mbetur larg objektivave. Megjithatë, skuadra arriti të shmangë rënien në Kategorinë e Dytë.
