Fenerbahce e ka bërë zyrtar transferimin e Vedat Muriqit. Sulmuesi kosovar ka firmosur një marrëveshje trevjeçare me klubin e madh turk.
“Klubi ynë ka arritur marrëveshje me sulmuesin kosovar Vedat Muriqi dhe me klubin e tij, Mallorca, për transferimin e tij”.
“Vedat Muriqi, sulmues i lindur në vitin 1994, ka nënshkruar një kontratë trevjeçare me Fenerbahcen”.
“Presidenti ynë Aziz Yildirim, anëtarët e bordit tonë, si dhe drejtori ynë i futbollit Oguz Çetin, morën pjesë në ceremoninë e nënshkrimit në stadiumin Chobani, në Kompleksin Sportiv Fenerbahce Sukru Saracoglu”, thuhej në njoftimin e Fenerbahces.
Pas zyrtarizimit si futbollist i Fenerbahces, Muriqi e falënderoi presidentin e klubit për besimin, ndërsa tifozëve u premtoi përkushtim maksimal.
“Falënderoj përzemërsisht presidentin tonë, z. Oguz, trajnerin tonë të dashur Ismail Kartal dhe të gjithë tifozët e çmuar të Fenerbahces që më vlerësuan të denjë për këtë fanellë sërish”.
“Mund të jeni të bindur se nuk do të ngurroj asnjëherë të luftoj për këtë emblemë. Që tani mund të them se do të jem sërish i denjë për këtë fanellë, si gjithmonë”.
“Shpresojmë që në fund të kësaj rruge të vijë titulli kampion”, ka deklaruar Muriqi pas zyrtarizimit.
