Holanda ka kaluar në çerekfinale të Euro 2024, duke eliminuar Rumaninë me rezultat të pastër, 3-0.
Pas vetëm 20 minutash lojë dhe një dominim të plotë nga Tulipanët, erdhi edhe goli i parë i realizuar nga Cody Gakpo, që u asistua nga Xavi Simons.
GAKPO PUTS NETHERLANDS AHAEAD WITH A LOVELY GOAL🤩🤯🇳🇱pic.twitter.com/8WPhqAZoni
— The 44 ⚽️ (@The_Forty_Four) July 2, 2024
Pas vetëm gjashtë minutash, Stefan de Vrij pati shansin që të realizonte për 2-0, por gjuajtja e tij shkoi afër shtyllës së djathtë.
Simons (44’) nuk arriti ta konkretizonte me gol një pasim brilant të Denzel Dumfries, duke bërë që pjesa e parë të përfundonte me vetëm një gol.
Edhe 45 minutat e dytë ishin të dominuar plotësisht nga Holanda, me çka realizuan edhe dy gola të tjerë.
Memphis Depay tentoi të realizonte nga afër në minutën e 54-të, mirëpo goditja e tij u bllokua nga mbrojtja kundërshtare.
Virgil Van Dijk (58’) gjuajti me kokë, por ylli i Liverpoolit goditi vetëm shtyllën vertikale të Rumanisë.
Gakpo mendoi se e kishte shënuar golin e tij të dytë në minutën e 63-të, por që VAR-i e anuloi për pozicion jashtë loje.
Për ta shënuar golin e dytë të Holandës u përkujdes Donyell Malen (83′), që realizoi për 2-0 nga një asistim i Gakpos.
🚨 GOAL: Romania 0-2 Netherlands!
MALEN INCREASES THE LEAD! 🇳🇱 pic.twitter.com/g29EBg6kE4
— Euro 24 Hub (@Euro24Hub) July 2, 2024
Malen realizoi edhe të dytin personal dhe të tretin për Tulipanët, kur shënoi për 3-0 në minutën e 90+3-të.
🚨🚨| GOAL; MALEN WITH A BRACE!!
Romania 0-3 Netherlands
— CentreGoals. (@centregoals) July 2, 2024
Në çerekfinale, Holanda do të përballet me fituesin e duelit mes Turqisë dhe Austrisë që fillon nga ora 21:00.
sport,Euro 2024 , Euro 2024
