“Unë punoj ngushtë me Ratcliffe”, Erik ten Hag ndjehet i qet për të ardhmen e tij pavarësisht thashethemeve për shkarkim

Erik ten Hag ka zbuluar se është shumë i përfshirë në planifikimin për afatin kalimtar veror, duke mohuar spekulimet për të ardhmen e tij.

Trajneri i Manchester United u pyet për largimin e John Murtough nga posti i drejtorit të futbollit, ndërsa Sir Jim Ratcliffe dhe ekipi i tij INEOS do të sjellin Dan Ashëorth për atë rol, me kusht që të arrijnë marrëveshje me Newcastle United.

Megjithatë, Ten Hag këmbënguli se ai është ende pjesë e planeve për të ardhmen.

“Ju përmendni sezonin e ri – është shumë e rëndësishme, pronësia e re po punon për këtë dhe ne duhet ta zëvendësojmë këtë funksion për të shkuar në sezonin e ri”.

“Për momentin, sigurisht, më mungon mbështetja e tij [Murtough], por ai vazhdoi përpara, janë bërë zgjedhjet në klub”.

“Ne punojmë shumë mirë së bashku, ndaj e falënderoj John dhe i uroj gjithë të mirat në të ardhmen”.

“Gjithashtu unë punoj me pronësinë e re [Ratcliffe dhe INEOS] shumë mirë dhe ngushtë së bashku dhe kjo nuk do të ndryshojë. Nuk ka ndikim në mënyrën se si mund të punoj këtu”.

“Kushtet ishin perfekte dhe janë ende perfekte, kështu që unë jam i kënaqur me këtë, por ne duam të vendosim kushtet e duhura për të qenë të suksesshëm”, deklaroi Ten Hag.

Man United në këtë sezon ka vuajtur shumë për shkak të një numri të tmerrshëm lëndimesh. /Telegrafi/