Teksa Barcelona i është drejtuar akademisë së tyre La Masia në kohërat e vështira, kjo ka bërë që një numër i madh i lojtarëve të kishin mundësi për të luajtur me ekipin e parë, diçka që ndoshta në rrethana tjera nuk do kishte qenë e mundur duke marrë parasysh moshën e tyre.
Shembujt më të mirë për të ilustruar këtë gjë janë dyshja Pau Cubarsi dhe Lamine Yamal, por një tjetër talent nga akademia e Barcelonës po zhvillohet me hapa të shpejt.
Lamine Yamal mban rekordin si golashënuesi më i ri në La Liga, Ligën e Kampionëve dhe për Spanjën, rekord ky që e ka vendosur këtë sezon.
Yamal gjithashtu kishte mbajtur rekordin edhe si lojtari më i ri që debuton në Primera RFEF, kategorinë e tretë të futbollit spanjoll, në moshën 15 vjet, nëntë muaj e 23 ditë.
Sidoqoftë, mesfushori Guille Fernandez e ka tejkaluar rekordin e Lamine Yamalit, pasi ai u fut në lojë në fitoren e Barça Athletic me rezultat 3-2 ndaj Osasuna Promesas.
Tre lojtarët më të rinj që kanë debutuar janë produkt nga akademia e Barcelonës, teksa mesfushori Marc Bernal kompleton podiumin.
Fernandez është një mesfushor i cili shquhet për teknikën e tij të hatashme, dhe aftësinë për të shënuar gola nga distanca. /Telegrafi/
1️⃣5️⃣ años, 9️⃣ meses y 1️⃣3️⃣ días…
👦🔝 ¡¡Guille Fernández es el 𝗝𝗨𝗚𝗔𝗗𝗢𝗥 𝗠𝗔́𝗦 𝗝𝗢𝗩𝗘𝗡 𝗘𝗡 𝗗𝗘𝗕𝗨𝗧𝗔𝗥 en #PrimeraFederación!!
Supera a:
▪️ Lamine Yamal: 15 años, 9 meses y 23 días.
▪️ Marc Bernal: 16 años, 3 meses y 1 día.🔎 𝗗𝗔𝗧𝗢: @Peter26582 pic.twitter.com/m7GgMqhY1I
— Primera Federación (@Primera_RFEF) April 1, 2024
sport,BARCELONA,la liga,lamine yamal , BARCELONA,la liga,lamine yamal
