Një moment tronditës ka ndodhur në futbollin brazilian, kur policët hynë në një fushë dhe arrestojnë një futbollist të akuzuar si bos i një klani droge.
I dyshuari 24-vjeçar u prangos dhe u largua me shpejtësi gjatë një ndeshjeje në Minas Gerais të Brazilit.
Pamjet video tregojnë lojtarin, emri i të cilit nuk bëhet i ditur, duke u tërhequr zvarrë jashtë fushës nga oficerë policie të armatosur rëndë përpara spektatorëve të habitur.
Një urdhër arresti i lëshuar nga Gjykata e Laranja da Terra e identifikon atë si kreun e dyshuar të një klani trafiku droge në Espirito Santo, raporton The Sun.
Ai akuzohet gjithashtu se ishte pjesë e një klani atentati në Vitoria, i cili organizoi një tentativë goditjeje ndaj një rivali më 4 shkurt.
Policia Ushtarake në Minas Gerais tha për mediat lokale se lojtari kishte një histori të gjatë policore për sulme, kërcënime, trafik droge dhe posedim pa leje të armëve të zjarrit.
Ai po mbahet në paraburgim në Minas Gerais, ndërsa pritet së shpejti të dënohet me mbi 30 vite heqje lirie.
sport,brazil,policia , brazil,policia
