Trajneri portugez Jose Mourinho i ka përmbyllur tashmë katër transferime, por synon edhe afrimin e një mesfushori tjetër të nivelit të lartë për ta plotësuar skuadrën e tij për sezonin 2026/27.
Sipas ESPN, Real Madridi po planifikon të firmosë me një mesfushor qendror të profilit të lartë gjatë kësaj vere dhe ka përcaktuar Enzo Fernandez, Mateus Fernandes dhe Ayyoub Bouaadi si objektivat kryesorë.
Jose Mourinho ka qenë duke përzgjedhur emrat që dëshiron, pasi ka marrë kontroll të plotë mbi lëvizjet e klubit në tregun e transferimeve.
Fernandez ka ëndërr të luajë për Los Blancos, por kërkesa e Chelseat prej 130 milionë eurosh po del si pengesa kryesore.
Fernandes i West Hamit është alternativa e përzgjedhur me kujdes nga Mourinho, i cili ua ka sugjeruar emrin e tij drejtuesve të Real Madridit, ndërsa “Hammers” kërkojnë 80 milionë euro për kartonin e tij.
Edhe talenti i jashtëzakonshëm i Lille, Bouaadi, që aktualisht po tërheq vëmendje të madhe në Kupën e Botës 2026 me Marokun, ka hyrë në radarët e Real Madridit.
Los Merengues e dinë se duhet të realizojnë shitje të mëdha përpara se të bëjnë afrime të tjera, pasi gjatë kësaj vere kanë sjellë tashmë disa lojtarë të rinj.
