Liverpooli nuk pranon në asnjë formë mundësinë që Virgil van Dijk të largohet gjatë merkatos së verës.
Sipas James Pearce të The Athletic, drejtuesit e klubit anglez nuk janë të gatshëm të marrin në shqyrtim asnjë ofertë për kapitenin e ekipit, ndërsa zërat për një transferim të mundshëm të tij konsiderohen të pasaktë.
Në këtë moment, mbrojtësi qendror i Holandës po kalon pushimet përpara se t’i bashkohet skuadrës në fazën përgatitore, teksa trajneri i ri i Liverpoolit, Andoni Iraola, e sheh atë si pjesë të rëndësishme të planeve për sezonin 2026/27.
Pearce nënvizon se çdo pretendim që Liverpooli mund të pranonte të dëgjonte oferta për mbrojtësin me eksperiencë është “larg realitetit”.
Van Dijk vijon të ketë një rol qendror në Anfield, në një periudhë kur Iraola ka nisur rindërtimin e skuadrës pas largimit të Arne Slot.
Eksperienca e tij, aftësia drejtuese dhe pesha që ka brenda dhomave të zhveshjes vlerësohen si faktorë vendimtarë në përpjekjen e Liverpoolit për t’u rikthyer në luftën për trofe, pas një sezoni zhgënjyes në mbrojtjen e titullit të Liga Premier.
Aktualisht, largimi i Van Dijk nuk bën pjesë në planet e klubit nga Merseyside, me kapitenin që mbetet një nga shtyllat themelore të projektit të ri të Iraolas./
