Federata e futbollit të Malajzisë sugjeroi të mërkurën që lojtarët e vendit të punësojnë truproja pas një serie sulmesh ndaj lojtarëve të kategorisë së parë.
Tre lojtarë janë lënduar në rrethana të ndryshme në vetëm një javë.
I fundit përfshinte ish-mesfushorin e Malajzisë, Safiq Rahim, të cilit iu thye xhami i makinës nga sulmuesit të martën ndërsa ishte brenda automjetit të tij.
Johor DT, klubi i Rahimit, përforcoi sigurinë e skuadrës pas incidentit. Rasti më i rëndë ka ndodhur të dielën me Faisal Halimin, anësor i Selangor FC.
Ai u la në një gjendje kritike pasi u godit nga acidi në një qendër tregtare.
Lojtari i ekipit kombëtar Akhyar Rashid u plagos në një grabitje jashtë shtëpisë së tij në shtetin lindor të Terengganu javën e kaluar.
Policia e Terengganu tha se sulmet nuk kanë lidhje, por janë ende nën hetim. Dhuna ndaj futbollistëve në Malajzi është e rrallë.
Safiq, i cili nuk u lëndua, zbuloi në Instagramin e tij se dy burra me motoçikletë iu afruan makinës së tij me një çekiç dhe ia thyen xhamin e pasmë.
“Nuk e prisja që do të më sulmonin pranë qendrës stërvitore JDT. Duhet të jemi vigjilentë”, deklaroi ai.
Presidenti i Federatës së Futbollit të Malajzisë, Hamidin Mohd Amin u bëri thirrje lojtarëve që të marrin masa shtesë sigurie, si marrja e truprojave personale.
“Ndërsa jo të gjithë lojtarët mund të përballojnë të punësojnë truproja, është një ide e arsyeshme, veçanërisht për lojtarët e famshëm që mund të tërheqin vëmendjen e padëshiruar”, i tha ai gazetës malajziane New Straits Times. /Telegrafi/
1. Police have arrested another suspect in Bandar Baru Bangi last night, over the acid attack against Malaysian football player Faisal Halim.
“We have obtained a 5-day remand order on the suspect,” Selangor police chief Hussein Omar Khan told The Star.https://t.co/dB2G6IDAPA https://t.co/oxN5MFbaKx pic.twitter.com/E9th1TiDZo
— BFM News (@NewsBFM) May 7, 2024
sport,malajzi , malajzi
