Ka oferta nga Arabia, Manchester City kërkon 100 milionë euro për “yllin” e ekipit

Kevin de Bruyne po mendon largimin nga Manchester City. Pasi fitoi gjithçka me “Qytetarët”, ku i vuri “kapakun” me triumfin në Champions League sezonin e fundit, belgu po mendon të largohet nga City, por gjithashtu nga futbolli europian.

Skuadrat në Arabinë Saudite që kanë interes për shërbimet e mesfushorit janë të shumta, teksa pritet të dihet vetëm dëshira përfundimtare e 32-vjeçarit.

City në krahun tjetër nuk pritet të bëhet pengesë, por sigurisht që ka kërkesa për ta lënë të lirë De Bruynen.

Manchester City do ta lërë të lirë De Bruynen vetëm nëse në drejtim të tyre mbërrin një ofertë prej 100 milionë eurosh.

Një shumë marramendëse, por e përballueshme për sheikët e kampionatit arab.